രമണി രഘുനാഥൻ

കൊതുക്


ഒരു സന്ധ്യാ നേരത്ത്.
ഉമ്മറത്തിരിക്കെ, കൊതുകും ഞാനും തമ്മിൽ യുദ്ധം
പൊരിഞ്ഞ യുദ്ധം'
കൊതുകിന് പോർ വിമാനങ്ങളുടെ ശബ്ദം
'സൈനികരുടെ യുദ്ധ വൈദഗ്ധ്യം
വിട്ടുകൊടുക്കില്ലെന്ന് ഞാൻ '
എന്നാൽ കാണാമെന്ന് കൊതുകും'
ചൂരൽക്കസേരയുടെ വിടവിലൂടെ
മുന്നിലും പിന്നിലും തലങ്ങും വിലങ്ങും
കൊതുക് ആഞ്ഞു കുത്തി.
ദൈവമേ എന്തിന് ഇങ്ങനെയൊരു
ജീവിയെ സൃഷ്ടിച്ചു?
ഒടുവിൽ കയ്യിൽ കിട്ടിയ വാരിക ചുരുട്ടി ഒറ്റയടി, കൊതുക് ചത്തു.
ഒരു നിമിഷം തികഞ്ഞില്ല
ഉറുമ്പുകളുടെ ശവഘോഷയാത്ര
ഇത്രയും ഉറുമ്പുകൾ?
ഹാ! കൊതുകേ നീ ഇത്രയും പേർക്ക്
അന്നമായിരുന്നെന്നോ?



രമണി രഘുനാഥൻ