Valliyumpulliyum 1
Valliyum Pulliyum Pinne Njaanum
ഒരു വൈകുന്നേരം ചായക്കടയിൽ ഇരിക്കുന്ന നേരത്താണ് വള്ളി ആ ചോദ്യം പുള്ളിയോട് ചോദിച്ചത്?.
വള്ളി: (ഫോണിൽ നോക്കി അത്ഭുതത്തോടെ) "എടാ പുള്ളീ, ഈ ഗൂഗിൾ മാപ്പിന് എങ്ങനെയാടാ ഞാൻ ഈ വഴി പോകണം എന്ന് കൃത്യമായി അറിയുന്നത്? ഇതിൻ്റെ ഉള്ളിൽ വല്ല ചാത്തനും ഇരിപ്പുണ്ടോ?"
പുള്ളി: (ചിരിച്ചുകൊണ്ട്) "ചാത്തനൊന്നുമല്ല വള്ളീ, ഇതിനെയാണ് AI എന്ന് പറയുന്നത്. അതായത് 'കൃത്രിമബുദ്ധി'. കമ്പ്യൂട്ടറിന് സ്വന്തമായി ബുദ്ധി വെക്കുന്ന പരിപാടിയാണത്.".
വള്ളി: "ബുദ്ധിയോ? അപ്പൊ നാളെ ഈ കമ്പ്യൂട്ടർ നമ്മളെ ഭരിക്കുമോ? മനുഷ്യൻ്റെ പണി ഒക്കെ ഇത് കൊണ്ടുപോകുമോ എന്നാ എനിക്ക് പേടി!"
പുള്ളി: "ഏയ്, അങ്ങനെയൊന്നുമില്ല. നമ്മൾ ഒരു കുട്ടിയെ പഠിപ്പിക്കുന്നത് പോലെ ഇതിനെ വിവരങ്ങൾ (Data) കൊടുത്തു പഠിപ്പിക്കുകയാണ്. ഇപ്പോൾ ആയിരം പൂച്ചയുടെ പടം കാണിച്ചാൽ, പുള്ളിക്ക് പൂച്ചയെ തിരിച്ചറിയാം. അത്രേയുള്ളൂ!"
വള്ളി: "അത് ശരിയാവില്ല. അപ്പൊ നാളെ ഡോക്ടർക്ക് പകരം മെഷീൻ വരുമോ? ഡ്രൈവർക്ക് പകരം വണ്ടി തനിയെ ഓടുമോ? എൻ്റെ പുള്ളീ... ലോകം എങ്ങോട്ടാ ഈ പോകുന്നത്?"
(ഈ സമയത്താണ് മധ്യസ്ഥനായി ഞാൻ ചർച്ചയിലേക്ക് ഇടപെടുന്നത്)
ഞാൻ : "വള്ളീ, പുള്ളീ.. നിങ്ങൾ രണ്ടുപേരും പറയുന്നത് ഭാഗികമായി ശരിയാണ്. ഒന്ന് ശാന്തരാകൂ! പുള്ളി പറഞ്ഞതുപോലെ AI നമ്മുടെ ജോലികൾ എളുപ്പമാക്കാനുള്ള ഒരു മികച്ച സഹായി മാത്രമാണ്. ഡോക്ടറെ സഹായിക്കാൻ AI-ക്ക് കഴിയും, പക്ഷേ ഒരു മനുഷ്യൻ്റെ കരുതലോ സ്പർശനമോ നൽകാൻ അതിന് കഴിയില്ല."
വള്ളി: "അതെയോ? എങ്കിൽ ഈ AI കൊണ്ട് നമുക്ക് സാധാരണക്കാർക്ക് എന്തെങ്കിലും ഗുണമുണ്ടോ?"
ഞാൻ : "തീർച്ചയായും! വള്ളിക്ക് ഇപ്പോൾ ഒരു ഇംഗ്ലീഷ് കത്ത് മലയാളത്തിലേക്ക് മാറ്റണമെങ്കിൽ സെക്കന്റുകൾക്കുള്ളിൽ AI അത് ചെയ്തുതരും. ഗൂഗിൾ മാപ്പ് വഴി ബ്ലോക്ക് ഇല്ലാത്ത വഴി പറഞ്ഞുതരുന്നത് വഴി നമ്മുടെ സമയവും ലാഭിക്കാം. അതായത്, മനുഷ്യൻ്റെ ബുദ്ധിയെ മാറ്റിമറിക്കാനല്ല, മറിച്ച് നമ്മുടെ ബുദ്ധിയെ സഹായിക്കാനാണ് AI വരുന്നത്."
പുള്ളി: "കണ്ടോ വള്ളീ, നമ്മുടെ മധ്യസ്ഥൻ പറഞ്ഞത് കേട്ടല്ലോ? നമ്മൾ പേടിക്കേണ്ട കാര്യമില്ല, പകരം ഈ സാങ്കേതികവിദ്യ എങ്ങനെ നല്ല രീതിയിൽ ഉപയോഗിക്കാം എന്നാണ് നമ്മൾ നോക്കേണ്ടത്."
വള്ളി: "മ്മ്... എന്നാലും ആ കാർ തനിയെ ഓടുന്നത് കാണുമ്പോൾ എനിക്കൊരു പേടി. വഴിയിൽ പോകുന്ന പോത്തിനെ കണ്ടാൽ ആ മെഷീൻ ബ്രേക്ക് ഇടുമോ ആവോ!"
ഈ സംവാദം ഇവിടെ അവസാനിക്കുന്നില്ല! വള്ളിയുടെ സംശയങ്ങൾ തീർക്കാൻ നമുക്ക് ഇനിയും ഒരുപാട് കാര്യങ്ങളുമായി ഞാനും പുള്ളിയും ഉടനെ തന്നെ തിരികെ വരുന്നതാണ് .
രഞ്ജിത്ത് മാത്യു
